БАРГУЗОРИИ КУРСИ ТАКМИЛИ ИХТИСОС БАРОИ КОРМАНДОНИ ДАХЛДОРИ МАҚОМОТИ ДАВЛАТӢ
Дар Саридораи ҳифзи сирри давлатӣ курси такмили ихтисос барои 30 нафар кормандони дахлдори вазорату идораҳои кишвар, аз ҷумла вазоратҳои корҳои дохилӣ, мудофиа, фарҳанг, рушди иқтисод ва савдо, саноат ва технологияҳои нав, кумитаҳои рушди маҳал, хоҷагии манзилию коммуналӣ, бехатарии озуқаворӣ, агентиҳои инноватсия ва технологияҳои рақамӣ, миллии иттилоотии Тоҷикистон “Ховар” ва ғайраҳо баргузор гардид.
Чорабинии мазкур аз ҷониби Саридораи ҳифзи сирри давлатӣ дар доираи амалигардонии Барномаи давлатии таҳкими ҳифзи сирри давлатӣ ва ҳифзи техникии иттилоот дар Ҷумҳурии Тоҷикистон дар мавзӯи “Баррасии масъалаҳои таъмини ҳифзи сирри давлатӣ ва ҳифзи техникии иттилоот дар Ҷумҳурии Тоҷикистон: баррасӣ ва роҳҳои ҳалли онҳо” роҳандозӣ гардида, дар оғози он роҳбарияти Саридора иштирок ва суханронӣ намуд.
Зикр гардид, ки курси такмили ихтисос барои кормандони мақомоти болозикр давоми се рӯз, аз 12 то 14 марти соли 2025 идома ёфта, дар он ба иштирокчиён вобаста ба мавзуъҳои мубрами соҳа, масъалаҳои марбут ба фаъолият, роҳҳои ҳифзи техникии иттилоот ва таъмини он мутахассисони соҳа дарс мегӯянд
