БАРГУЗОРИИ МАШВАРАТИ КОРӢ БО КОРМАНДОНИ МАҚОМОТИ ДАХЛДОРИ ДАВЛАТӢ ДАР ШАҲРИ БОХТАРИ ВИЛОЯТИ ХАТЛОН
Бо ибтикори Саридораи ҳифзи сирри давлатии назди Ҳукумати Ҷумҳурии Тоҷикистон дар доираи Нақшаи чорабиниҳои амалисозии Барномаи давлатии таҳкими ҳифзи сирри давлатӣ ва ҳифзи техникии иттилоот дар Ҷумҳурии Тоҷикистон барои солҳои 2022 – 2026, ки бо қарори Ҳукумати Ҷумҳурии Тоҷикистон аз 29 июли соли 2022, №377 тасдиқ гардидааст, санаи 27 декабри соли равон бо иштироки масъулони дахлдори мақомоти давлатии вилояти Хатлон машварати корӣ бо мақсади расонидани ёрии амалию методӣ, инчунин баррасии камбудиҳои ҷойдошта ва роҳҳои бартарафнамоии онҳо баргузор гардид.
Дар оғози чорабинӣ намояндаи Саридораи ҳифзи сирри давлатии назди Ҳукумати Ҷумҳурии Тоҷикистон иштирок намуда, роҷеъ ба масъалаҳои муҳими соҳа ибрози назар карда, зикр дошт, ки бо таваҷҷуҳи хоса ба ин самти муҳими давлатдорӣ бо мақсади баланд бардоштани савияи касбӣ, рушди донишҳои соҳавӣ ва баратараф намудани камбудиҳои ҷойдошта дар фаъолияти масъулони дахлдори вазорату идораҳои кишвар чунин машваратҳои корӣ ва чорабиниҳои омӯзишӣ аз ҷониби Саридора роҳандозӣ карда мешаванд.
Дар идома иштирокдорон вобаста ба мавзуъҳои дахлдор ва дар доираи фаъолияти кории худ суолҳо пешниҳод намуда, ҷавобҳои мушаххас гирифтанд.
