Санаи 6-уми марти соли 2025 дар Саридораи ҳифзи сирри давлатӣ бахшида ба Рӯзи Модар ҷамъомади тантанавӣ баргузор гардид.

Сардори Саридора генерал - полковник Шералӣ Мирзо занону бонувони Саридора ва дар симои онҳо, тамоми модаронро ба ин рӯзи муқаддасу пурифтихор табрику таҳният намуданд.

Дар ҷарраёни чорабинии тантанавӣ қайд гардид, ки  дар оғози фасли баҳор фаро расидани Рӯзи Модар – нишонаи сарсабзии зиндагонӣ ва бахту иқболи баланди инсонӣ мебошад.

Ҳамзамон зикр гардид, ки баъди ба даст овардани Истиқлолияти давлатӣ нуфузу мақоми зан дар ҷомеа бомаром баланд гардида, махсусан дар партави сиёсати хирадмандонаиАсосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таваҷҷуҳ ба фаъолияти ҷамъиятию соҳавии бонувон зиёд шуд.

Мо ифтихор менамоем, ки занону модарон ва бонувони боирода дорем, ки нигоҳдорандаву давомдиҳандаи беҳтарин анъанаҳо ва ойинҳои асилу деринаи халқамон, хусусан, дар тарбия кардану ба камол расонидани фарзандони баодобу соҳибмаърифат ва ватандӯсту далер мебошанд.

Дар идомаи чорабинӣ аз ҷониби кормандони Саридора маърӯзаҳои баландмазмун доир ба нақши зан - модар дар эъмори ҷомеаи демократӣ ироа гардида, аз ҷониби сардори Саридора ба муносибати бузургдошти Рӯзи Модар як қатор занону бонувони Саридора бо туҳфаҳо қадрдонӣ карда шуданд.